Gerðabók frá bygdaráðsfundinum hjá Sørvágs kommunu

Samandráttur av bygdaráðsfundi.

Bygdaráðsfundur: 28.01.2026 kl.17:00 – 17:50

Fundarstaður: Fundarhøli

Hjástødd:

• Eyð Ellingsgaard
• Jón Joensen
• Hans Kári Hansen
• Elsebeth Tausen
• Tóki Joensen
• Helena Heðinsdóttir Guttesen

Umframt Sunrid Rasmussen, skrivari

Vísandi til grein 18, stk. 2, í løgtingslóg nr. 87 frá 17. mai 2000 um kommunustýri hevur Elias Davidsen, boðað frá, at honum barst frá at møta á fundinum. Tiltakslimur Elsebeth Tausen fekk fundarboð og játtaði at møta.

Mál nr. 01/2026

J.nr.323-2-2026

Umsókn um stuðul til keyp av nýggjum stólum – Missiónshúsið Libanon

Málslýsing: Umsókn frá Missiónshúsinum Libanon um stuðul til keyp av nýggjum stólum.

Tilmæli 22.01.26: Trivnaðarnevndin mælir til at stuðla Missiónshúsið Libanon við kr.16.750,00

Tilmæli 27.01.26: Meirilutin í Fíggjarnevndini tekur undir við tilmælinum frá Trivnaðarnevndini.

Avgerð: Bygdaráðið samtykti at fylgja tilmælinum frá Trivnaðar- og Fíggjarnevndini.

Mál nr. 02/2026

J.nr.324-3-2026

Umsókn um peningaligan stuðul fyri árið 2026 – Sørvágs Tónleikarfelag

Málslýsing: Sørvágs Tónleikarfelag søkir um kr. 60.000,00 í stuðli fyri árið 2026

Tilmæli 22.01.26: Trivnaðarnevndin mælir til at játta kr. 60.000,00 í stuðli til Sørvágs Tónleikarfelag fyri árið 2026

Tilmæli 27.01.26: Fíggjarnevndin tekur undir við tilmælinum frá Trivnaðarnevndini.

Avgerð: Bygdaráðið samtykti at fylgja tilmælinum frá Trivnaðar- og Fíggjarnevndini.

Mál nr. 03/2026

J.nr. 548-1-2026

Ums. um keyp av parti av matr.z (vegur) at leggja saman við matr. 311 í Sørvági

Málslýsing: Umsókn um loyvi at keypa part av matr. z (vegur) til samanlegging við matr.311 í Sørvági. Talan er um at keypa uml. 23,7m2 frá kommununi.

Tilmæli 22.01.26: Tekniska nevnd mælir frá at selja økið, tí hetta er partur av gøtu í gomlu bygdini.

Mælt verður frá at geva loyvi til bygging sum er hægri enn verandi nettonýtingarstig, ið er 0,6

Tilmæli 27.01.26.: Fíggjarnevndin tekur undir við tilmælinum frá Teknisku nevnd.

Avgerð: Bygdaráðið samtykti at fylgja tilmælinum frá Teknisku- og Fíggjarnevndini.

Mál nr. 04/2026.

J.nr. 215-15-2022

Endurnýggjan av sáttmálanum við Mortan í Hamrabyrgi, tannlækna

Málslýsing: Endurnýggjan av sáttmálanum við tannlæknan Mortan í Hamrabyrgi.

Tilmæli 27.01.26: Fíggjarnevndin mælir til at leingja verandi sáttmálan við tannlæknan Mortan í Hamrabyrgi fram til 30. september 2028

Avgerð: Bygdaráðið samtykti at fylgja tilmælinum frá Fíggjarnevndini.

Mál nr. 05/2026

J.nr.

Leiguøkir/ grundøkir á vinnuøkinum á Hálsi

Málslýsing: Leiguøkir/ grundøkir til sølu á vinnuøkinum á Hálsi í Sørvági

Tilmæli 26.01.26: Vinnunevndin mælir til at stykkini nr. 9 og 10 lata upp fyri møguleikanum at keypa grundøkir sum ikki kunnu fara niðurum 600 fermetrar.

Stykkini verða matrikkulerað so hvørt tey verða umbiðin.

Avgerð: Bygdaráðið samtykti at fylgja tilmælinum frá Vinnunevndini.

Mál nr. 06/2026

J.nr.541-1-2026

Umsókn um marknaumskipan millum matr. nr. 245b og matr. 97 í Sørvági

Málslýsing: Eigarnir av matr. 245b og matr. 97 í Sørvági søkja um marknaumskipan soleiðis at matr. 245b letur uml. 50m2 til matr. 97

Tilmæli 22.01.26: Tekniska nevnd viðmælir umsóknina um marknaumskipan millum matr. 245b og matr. 97 í Sørvági.

Avgerð: Bygdaráðið samtykti at fylgja tilmælinum frá Teknisku nevnd.

Mál nr. 07/2026 J.nr. 541-3-2026 Umsókn um sundurbýti av matr. 62h í Sørvági

Málslýsing: Umsókn um sundurbýti av matr. 62h í Sørvági

Søkt verður um at frábýta uml. 1.516 fermetrar í sambandi við bygging av 7 íbúðum.

Sørvágs kommuna er ánari av matr. 62h.

Tilmæli 22.01.26: Tekniska nevnd viðmælir umsóknina um sundurbýti av matr. 62h í Sørvági.

Avgerð: Bygdaráðið samtykti at fylgja tilmælinum frá Teknisku nevnd.

Mál nr. 08/2026

J.nr. 549-4-2026

Umsókn um byggiloyvi til høll á matr. 422ah á vinnuøkinum á Hálsi

Málslýsing: Søkt verður um byggiloyvi til høll á matr. 422ah á vinnuøkinum á Hálsi.

Tinglýstur ánari av grundøkinum er Sp/f Lg 7

Tilmæli frá tekniska leiðaranum:

Tekniski leiðarin mælir til, at játta byggiloyvið vísandi til umsókn og tekningar. Um loyvið verður givið, skal byggjast eftir innsendu tekningum, og viðmerkingum í tilmæli og annars eftir ásetingunum í BK17 og byggisamtyktini.

Tilmæli 22.01.26: Tekniska nevnd tekur undir við tilmælinum frá tekniska leiðaranum, um at játta byggiloyvið til Sp/f LG 7 til høll á matr. 422ah á vinnuøkinum á Hálsi.

Avgerð: Bygdaráðið samtykti at fylgja tilmælinum frá Teknisku nevnd.

Mál nr. 09/2026

J.nr.

Projektering matr. nr. 62h

Málslýsing: Sp/f á Trøðni søkir um byggiloyvi til 7 íbúðir á økið, sum verður keypt frá Sørvágs kommunu .

Tilmæli frá tekniska leiðaranum:

Vísandi til bygdaráðssamtyktir um at selja burturav matr.nr 62 h til íbúðir, verður mælt til at projektera og bjóða arbeiðið út so skjótt sum møguligt, umsitingin skipar fyri hesum.

Tilmæli 22.01.26: Tekniska nevnd tekur undir við tilmælinum frá tekniska leiðaranum, um at projektera og at bjóða arbeiðið út.

Tilmæli 27.01.26: Í samband við projektering av matr. nr. 62h, mælir Fíggjarnevndin til at játta eina eykajáttan á kr. 1.500.000,- til konto 6.22.11.380 Byggibúning bústaðir.

Avgerð: Bygdaráðið samtykti at gera útbjóðingartilfar og at bjóða arbeiðið út.

Somuleiðis samtykti bygdaráðið at játta eina eykajáttan á kr. 1.5000.000,00 til konto 6.22.11.380 Byggibúning bústaðir.

Peningurin verður at taka av tøkum peningi.