Uttanríkisráðharrin til Føroya í dag

Jeppe Kofod, uttanríkisráðharri, og Jenis av Rana, landsstýrismaður, hava fund í Miðvági seinnapartin,

Viðurskiftini millum Føroyar og ES, langtíðarætlan um arktiska arbeiðið hjá Føroyum og Danmark, og samstarv á uttanríkis- og trygdarpolitiska økinum, eru á skránni fyri fundin millum danska uttanríkisráðharran, Jeppe Kofod, og Jenis av Rana, landsstýrismann, í Miðvági seinnapartin.

Í morgin ári hava teir báðir tíðindafund á Tinganesi.

Eftir tann fundin hittir Jeppe Kofod Uttanlandsnevndina hjá løgtinginum.

Eisini verður vitjað hjá Bakkafrosti á Glyvrum, áðrenn uttanríkisráðharrin fer til Danmarkar aftur seinnapartin í morgin.