Myndir: Met sett fyri landing í Miðvági

Í gjár var ein heldur óvanlig sjón á Miðvági, tá ið tvey uppsjógvarskip landaðu gulllaks.

Borgarin kom fyrst inn við 300 tonsum, og kom Norðingur síðani inn við útvið 200 tonsum av gulllaksi. Skipini landaðu tí útvið 500 tons av gulllaksi.

Tað er Snarfrost í Miðvági sum landar skipini, og verður gulllaksurin síðani koyrdur til Tavuna í Leirvík.

Hetta er helst størsta nøgd av fiski, sum er landað í Miðvági uppá ein dag.

Møguliga Giljanes hevur landað størstu lastina, tá svartkjaftavirkið var í gongd í 80'inum.