Jóanis gevst nú í lærarayrkinum

Jóanis Nielsen, sum hevur starvast sum lærari á skúlanum á Giljanesi síðan 2003, gevst nú sum lærari. Jóanis verður 67 ár í dag, og fer nú á eftirløn.

Jóanis fekk prógv á læraraskúlanum í 1999.

Á samkomu á middegi samlaðust starvsfólkini á skúlanum. Skúlastjórin,  Annbritt Toftegaard, og Sanna Akselsen, lærari, hildu røður, har tær takkaðu Jóanis fyri trúgva tænastu, eisini helt Jóanis røðu, har hann takkaði fyri seg.