Fyrsta lodnulastin í ár

 Finnur Fríði siglir heim við fyrstu lodnulastini, sum verður landað í Føroyum í ár. Finnur Fríði hevur 1.200 tons, sum teir fingu seinnapartin í gjár. Teir fara á Tvøroyri við veiðuni, Finnur Fríði verður á Tvøroyri tíðliga sunnumorgunin.

Í gjár var nógv lodna at síggja við Vestmannaoyggjarnar. Í morgun eru skipini stødd tætt vestanfyri Oyggjarnar.

Føroysku skipini, sum eru á leiðini eru Jupiter og Norðborg - Fagraberg er ávegis til Íslands. Tróndur í Gøtu landar á Tvøroyri, teir fara eisini á lodnuveiðu, tá ið teir eru liðnir at landa.