Bjargingartyrlan hevur havt ársins fyrsta sjúkraflutning

Klokkan 20:26 í kvøld fekk MRCC støðin í Havn eina fráboðan um, at neyðugt var at fáa flutt ein sjúkling av Suðuroynni norður á Landssjúkrahúsið.

MRCC støðin sendi bjargingartyrluna hjá Atlantic Airways suður eftir sjúklinginum, og klokkan 21:20 lendi tyrlan í Froðba, og tók sjúklingin umborð, tyrlan lendi kl. 21.40 við Landssjúkrahúsið. 

Hetta var ársins fyrsti sjúkraflutningur hjá tyrluni, í fjør hevði hon 62 sjúkraflutningar.