ÍF a er føroyameistari í D12

Síðsta FM-finalan í yngru deildunum á hesum sinni er nú leikt í Trongisvági, og harvið er kappingarárið 2022/2023 liðugt fyri hesar deildirnar.

ÍF setti punktum við at vinna 2-0 á Ternuni í kappingini fyri dreingir 12.

Í fyrsta settinum fylgdust liðini leingi, og Ternan var á odda 13-12, men so setti ÍF trumf á og vann settið sannførandi.

Annað sett var sera spennandi, har Ternan hevði tríggjar settbóltar, men ÍF bjargaði sær tó undan javnbrótaranum og vann settið 28-26, og harvið eisini føroyameistaraheitð.

Dagsins leikari fyri ÍF var Filip Jovevic, og dagsins leikari fyri Ternuna var Elias Búason Jensen.