Ítróttur

Hondbóltslandsdysturin í kvøld verður stroymdur á KVF

Hóast Kringvarpið er rættiliga veingjaskorið í dag, orsakað av samhugaverkfallinum hjá Starvsfelagnum, so verður hondbóltslandsdysturin í kvøld verður stroymdur á KVF

Elias Ellefsen á Skipagøtu og hinar stjørnurnar á føroyska manslandsliðnum í hondbólti vera at síggja her á heimasíðuni í kvøld - Mynd:: Bjarni Árting Rubeksen.

Elias Ellefsen á Skipagøtu og hinar stjørnurnar á føroyska manslandsliðnum í hondbólti vera at síggja her á heimasíðuni í kvøld - Mynd:: Bjarni Árting Rubeksen.

2023-11-03 16:02 Author image
Jóanis Nielsen
placeholder


KVF:

Samhugaverkfallið hjá Starvsfelagnum Kringvarp Føroya hevur tíverri rakt Kringvarpið so mikið meint, at bæði Dagur og vika og Gekkurin máttu takast av sjónvarpsskránni í kvøld. 

Men tøknin í dag er so mikið snild, at kringvarpsgjaldararnir ikki verða snýttir fyri hondbóltslandsdystin við monnum millum Ísland og Føroyar, sum verður spældur í kvøld. 

Stroymingin av dystinum her á heimasíðuni varð gjørd klár, áðrenn Kringvarpshúsið í Sortudíki varð lagt rættiliga lamið í dag.


Tí kunnu fólk gleða seg til, at dysturin verður síggja á heimasíðu Kringvarpsins, kvf.fo, frá klokkan 19.25 í kvøld. 


Talan er um týðandi vinardystir í fyrireikingini til EM-endaspælið í januar.

Seinni dysturin, ið verður spældur í morgin, verður sum ætlað vístur í sjónvarpinum frá klokkan 17.25. 

Hvat: Ísland - Føroyar
Hvar: her á heimasíðuni (https://kvf.fo/live/2)
Nær: í kvøld, kl. 19.25

STROYMUR TIL DYSTIN Í KVØLD SÆST HER



Vinarliga broyt tínar kennifíla - og privatlívsstillingar fyri at síggja hetta innihald

placeholder