Grikkaland hevði munin

FSF: Við einum máli í hvørjum hálvleiki, fór Grikkaland av Tórsvølli týsdagin við einum 2-0 sigri í viðførinum. Fyrra málið kom eftir 13 minuttir, og tá góðir tíggju minuttir vóru eftir at spæla, varð sigurin staðfestur.

Grikkar sótu á tí mesta, og tær komu eisini fram til fleiri góðar støður. Hinvegin høvdu okkara trupult við at skapa teir heilt stóru málkjansirnar, og sigurin hjá Grikkalandi má tí sigast at vera uppiborin.

Eftir fýra umfør í bólki C3 í undankappingini til EM 2025, eru Grikkaland og Montenegro fremst við 10 stigum í part. Føroyar hava 3 stig, meðan Andorra er aftast við ongum stigi.

Fríggjadagin 12. juli fara liðini á vøllin aftur. Á Tórsvølli taka Føroyar ímóti Montenegro, meðan Grikkaland fær vitjan av Andorra. Síðsta umfar í bólkinum verður spælt týsdagin 16. juli. Tá spæla Montenegro og Grikkaland, og Andorra og Føroyar.

Sí myndir her.