FM-finalu vikuskifti á Tvøroyri

Um vikuskifti verður stóra afturvendandi FM-finaluvikuskifti í flogbólti á Tvøroyri. Talan er um FM-finalurnar fyri yngru deildirnar.

Her hittast bestu liðini í ymisku aldursbólkunum í finalunum fyri at avgerða, hvør verður føroyameistari.

Nógvir dystir eru á skrá, og dystirnir byrja longu í dag kl. 16.00 og dystir eru áhaldandi inntil sunnudagin, har seinasti dysturin verður leiktur kl. 15.30.

Eins og vanligt, so er SÍ væl umboða í finalunum, við ikki minni enn 5 liðum, men eisini Mjølnir og Ternan hava góða umboðan í finalunum.

Hóast tað ikki er partur av sjálvum FM-finalu tiltakinum fyri yngri deildir, so leika eisini Føroya Tele liðini hjá TB og Mjølnir á Tvøroyri í dag kl. 18.00.