Fleyr er føroyameistari í flogbólti fyri gentir 16

FM-finalan fyri gentur 16 í flogbólti er leikt á Tvøroyri og føroyameistari 2022/2023 er Fleyr. Hetta var greitt eftir at tær vunnu 3-1 á SÍ.

Talan var um tættan, spennandi og rættuliga vælleiktan dyst við góðum álopsspæli.

Fyrst í mars vann Fleyr steypafinaluna - eisini í einum sera tøttum dysti ímóti SÍ, so nú eru Fleyr greipuvinnarar.

Við Thirzu Tarazona Becerra, sum eisni fær nakað av leiktíð á besta kvinnuliðnum hjá Fleyr í Føroya Tele deildini, hevur Fleyr ein ungan leikara í serflokki. Thirza skaraði serliga framúr í álopspartinum, har hevarin brúkti hana í øllum truplum støðum, og so eisini við sera góðum servum.

Venjarin hjá Fleyr, Iuliia Kuvsinova, stór í dag yvirfyri sínum gamla venjara Rajko Petrovic og hon man eisini hava verið sera nøgd við gongdina í dystinum.

Dagsins leikari fyri Fleyr varð Thirza Tarazona Becerra og dagsins leikari fyri SÍ varð Sára Kambskarð.