Jóanis Albert Nielsen
FSF: – Hetta verður ein spennandi avbjóðing, og eg gleði meg at sleppa í gongd, sigur nýggi venjarin hjá U21-landsliðnum, Eyðun Klakstein við heimasíðuna hjá FSF.
Mánadagin undirskrivaðu Fótbóltssamband Føroya og Eyðun Klakstein avtalu, ið inniber, at frá 1. januar 2023 tekur royndi venjarin úr Klaksvík við høvuðsábyrgdini av U21-landsliðnum. Avtalan er galdandi komandi tvey árini.
Hjálparvenjari verður Atli Gregersen, sum í oktober var ein av teimum tólv, ið fingu A-venjaraprógv hjá FSF.
Í seinastu EM-undankapping vóru Føroyar í bólki H, saman við Fraklandi, Ukraina, Serbia, Norðurmakedónia og Armenia. Úrtøkan hjá føroyska liðnum gjørdist tveir sigrar og fýra javnleikir. Millum annað spældu okkara dreingir javnt 1-1 móti Fraklandi, sum vann bólkin greitt.
Lutakastið til EM-undankappingina 2023-2024 verður í Nyon í Sveis 2. februar.
Vinarliga broyt tínar kennifíla - og privatlívsstillingar fyri at síggja hetta innihald