Ester Weihe Jacobsen vart ph.d. um psoriasis

 Gransking.fo:

Heitið á ritgerðini er: "Psoriasis The occurrence, familial aggregation, and phenotype of psoriasis in the Faroe Islands".

Ester hevur verið innskrivað á institut for Klinisk Medisin á Københavns Universitet, men hevur í stóran mun arbeitt við verkætlanini á Landssjúkrahúsinum og Ílegusavninum. Harafturat hevur hon arbeitt á Sjællands Universitetshospital.

Vegleiðarar hava verið Ole Birger Vesterager Pedersen, professari, Gregor Borut Ernst Jemec, professari og Claus Thorn Ekstrøm, professari.

Í metingarnevndini vóru Simon Francis Thomsen, professari á Københavns Universitet og deildarleiðari á Bispebjerg Hospital, formaður, Lars Iversen, professari á Aarhus Universitet, og Farida Benhadou, professari á Dr Lowy Dermatology & Laser Practice í Belgia.

Verjan gekk væl. Fyrst legði Ester Weihe Jacobsen fram sítt arbeiði og úrslit. Síðani gjørdi metingarnevndin viðmerkingar og setti spurningar. Tey róstu Ester Weihe Jacobsen fyri arbeiðið og ritgerðina, sum tey mettu vera gott og sera væl skrivað. Eftir á leið tveir tímar tóku tey samanum og kunngjørdu, at Ester Weihe Jacobsen hevði staðið verjuna og harvið skuldi fáa tillutað ph.d.-heitið.

Á myndini frá vinstru: Simon Francis Thomson, Gregor Jemec, Ester Weihe Jacobsen, Ole Birger Vesterager Pedersen og Lars Iversen. Farida Benhadou vantar á myndini, hon var talgilt við til verjuna.

Granskingarráðið hevur stuðlað ph.d.-verkætlanini hjá Ester Weihe Jacobsen. Sí meira um verkætlanina í Stuðulsyvirlitinum og á psoriasis.fo