Dráttur vann á TB í Bónus-kappingini; SÍ fekk óvæntaða mótstøðu frá Fleyr B

B-liðið hjá Fleyr stóð seg óvæntað væl ímóti verandi steypavinnaranum SÍ, og serliga í øðrum setti vantaði lítið í, at Fleyr B vann settið, tá støðan var 23-22 til teirra, men SÍ vann síðan tríggjar bóltar á rað og settið 25-23. Fyrr í settinum hevði Fleyr B verið frammanfyri 14-9, men leikbrá vendi gongdini, og SÍ vann sjey stig á rað og legði seg á odda 16-14.  

Fleyr B var eisini á odda 9-6 í fyrsta setti, áðrenn SÍ javnaði til 10-10 og legði seg á odda 19-12 og vann settið 25-20.

Eisini triðja setti fylgdi Fleyr B væl við og javnaði til 9-9, áðrenn tað dragnaði, og SÍ vann 25-17.

Sunnudagin 28. januar spæla Mjølnir og Dráttur í Klaksvík. Vinnarin av dystinum verður bólkavinnari og skal møta nr. 2 í bólki 2 í hálvfinaluni í steypakappingini. Taparin, sum verður tvey’ari í bólkinum, skal spæla hálvfinalu ímóti nr. 1 í bólki 2.

Støðan í Bónus-kappingini, bólkur 1, kvinnur: 

Bónus-kappingin, bólkur 2, kvinnur:
TB – Dráttur 0-3 (22-25, 15-25, 16-25) 

Tað var bara í fyrsta setti, at Dráttur fekk rættiliga mótstøðu. Vágaliðið hevði hug at draga frá beinanvegin, men TB kom afturíaftur og javnaði til 6-6 og fór síðan framum 14-9. TB helt seg frammanfyri til 20-19, tá ið Dráttur vann trý stig á rað og fór framum 22-20, áðrenn settið varð vunnið 25-22.  

Eftir eina servu frá TB og sjey frá Henrikku Wang Jacobsen hjá Drátti var støðan 8-0 til útiliðið, og hóast TB vann fýra stig á rað og minkaði um munin til 4-8, so kom ongantíð spenningur í settið, tí stutt eftir legði Dráttur seg á odda 20-10, áðrenn settið varð vunnið 25-15.

Triðja sett var ikki stórt øðrvísi, tó at TB eina løtu minkaði um munin frá 5-10 til 12-14, men so gekk skjótt, og Dráttur legði seg á odda 18-12 og 23-14, áðrenn settið var vunnið 25-16.

Støðan í Bónus-kappingini, bólkur 2, kvinnur: 

Í kvøld kl. 19 spæla Fleyr og KÍF í høllini á Hálsi. Tvey tey fremstu liðini í bólkinum fara víðari til hálvfinalurnar, sum verða í Klaksvík 10. februar. Steypafinalan verður í høllini á Hálsi 24. februar.