VÍF heldur jól á toppinum

Í gjár blivu seinastu dystirnir í Burn-deildini fyri jól leiktir.

Í Havn tók Neistin ímóti KÍF. KÍF vann dystin 23-22, eftir at teir førdu 13-10 í hálvleikinum. Fyri Neistan fekk Rasmus Søby 7 mál. Fyri KÍF fekk Hans Eli Sigurbjørnsson 11 mál.

Í Klaksvík tók Team Klaksvík ímóti Kyndil. Team Klaksvík vann dystin 27-23, eftir at teir førdu 12-9 í hálvleikinum. Fyri Team Klaksvík fekk Vuk Stevanovic 10 mál. Fyri Kyndil fingu Jóan Pauli Paturson og Kristoffur Bjørgvin hvør síni 4 mál.

Í Vestmanna tók VÍF ímóti StÍF, og við sigrinum á StÍF kunnu Vestmenningar halda jól á toppinum. VÍF vann dystin 36-26, eftir at teir førdu 16-14 í hálvleikinum. Fyri VÍF fekk Filip Jojic 12 mál. Fyri StÍF fekk Pætur Johansen 8 mál.   

Støðan	Dystir	Vunnin mál	Tapt mál	Munur	Stig
VÍF	13	407	335	72	22
H71	13	363	308	55	21
NEISTIN	14	412	373	39	17
KÍF	14	362	354	8	15
TEAM KLAKSVÍK	14	379	408	-29	11
STÍF	14	336	409	-73	6
KYNDIL	14	303	375	-72	4