Vestmenningur og Skoraberg landa í Kollafirði

 Vestmenningur og Skoraberg komu á Kollafjørð um 4-tíðina í nátt við  200 tonsum av gulllaksi, sum verður landaður til Faroe Pelagic.

Vestmenningur og Skoraberg hava hendan túrin roynt norður úr Mýlingi.

Í gjár landaðu Vesturbúgvin og Eysturbúgvin á Toftum, teir høvdu 240 tons, gullaksin hjá teimum keypir Tavan í Leirvík.

Tað 3. gulllaksaparið Polarhav/Stjørnan er ikki til fiskiskap í løtuni, tí annar báturin hevur maskinskaða.