Vestmenningur og Skoraberg landa á Kósini

 Vestmenningur og Skoraberg, sum hava fiskað gulllaks, komu á Havnina í nátt, har teir skiftu trol, tí teir fara nú aftur á makrelveiðu.

Í morgun landa teir á Kósini, teir hava tilsamans uml. 130 tons av gulllaksi, sum er seldur til Tavuna í Leirvík, hagar veiðan verður koyrd við lastbilum.

Tá ið farið verður nýggjan túr fara teir á makrelveiðu norðanfyri.

Í gjár landaðu Stjørnan og Polarhav 120 tons av gulllaksi á Kósini, tað varð eisini selt til Tavuna í Leirvík.