Upptakt til dystin millum 07 Vestur og KÍ

Við øðrum heimadystinum móti KÍ í minni enn tvær vikur, seta vit hol á annan triðing í Betri Deildini. Flestum kunnugt liggja klaksvíkingar, eftir sera góða byrjan, fremst í kappingini, og vit liggja yvir niðurflytingarstrikuni eftir 9. umfør fyri fyrstu ferð nakrantíð.

Nú 9 dystir av 27 eru leiktir, eru altíð áhugavert at hyggja eftir hagtølum, og samanbera við undanfarin ár. Og vit kunnu byrja við, sum longu nevnt, at staðfesta at vit hava ongantíð áður ligið omanfyri niðurflytingarstrikuna eftir fyrsta triðing. Tó hava vit áður havt betri úrtøku: í 2017 og 2011 høvdu vit 8 stig, eitt meira enn nú, og í 2013 høvdu vit 7 stig - sama sum nú. Hesi árini gav tað tó bert 9. pláss.

Les meira í dystarblaðnum her.