Tummas T. landar sild á Tvøroyri

 Tummas T. kom á Tvøroyri kl. 23 í kvøld við góðum 1.000 tonsum av sild, sum teir hava fiskað norðanfyri, tað er góð sild teir eru komnir inn við.

Fyrst á túrinum samtrolaði Tummas T. við Høgaklett, men síðan Høgiklettur fór inn at landa, hevur Tummas T. trolað einsamallur.

Finnur Fríði hevur landað á Tvøroyri, teir eru nú ávegis aftur á sildafiskiskap norðanfyri, tað fer Fagraberg eisini, tá ið teir eru liðnir at landa í Fuglafirði.

Tróndur í Gøtu og Jupiter royna í kvøld eftir makreli á Sandoyarbankanum.