Team Klaksvík vann 33-32 á Neistanum

Í gjárskvøldi tók Team Klaksvík ímóti Neistanum í Burn-deildini hjá monnum í hondbólti. 

Liðini fylgdust fyrstu løtuna, men tá ið 20. minuttir vóru farnir var Neistin farin framum við 3 málum, og var støðan 9-12 til teir bláu. Hálvleiksstøðan var 14-16. 

Neistin økti um munin fyrstu 20. minuttirnar av seinna hálvleiki, og var støðan 25-30 eftir 50. min., men Team Klaksvík gav ikki upp, teir vunnu dystin 33-32.

Toppskjútti fyri Team Klaksvík var Valentino Valentakovic við 12 málum, og fyri Neistan fekk Rasmus Søby 8 mál.