Team Klaksvík fylgdi leingi við Neistanum

Botnliðið í Okkara-deildini hjá monnum í hondbólti, Team Klaksvík, tók í gjár ímóti Neistanum. Men tað sást ikki væl aftur á vøllinum at tað var botnliðið ið tók ímóti næstfremsta liðnum í deildini.

Tað var Team Klaksvík ið byrjaði dystin betri, og eftir 10. minuttir var støðan 5-3. Eftir 20. minuttir var Team Klaksvík á odda 10-6, men so fekk Neistin gongd á málskjótingina, og næstu 10. minuttirnar fingu teir 6 mál meðan Team Klaksvík fekk 2. Hálvleiksstøðan var 12-12.

Liðini fylgdust væl fyrstu løtuna av seinna hálvleiki, men eftir eitt korter var leikt vóru teir bláu úr Havn á odda 18-21. Neistin vann dystin 24-28.

Málskjúttar:

Team Klaksvík: Sámal á Tjaldrafløtti 8, Naito Nakahodo 6, Jens Pauli Mohr 5, Ludvík Sørensen 4 og Vilhelm Vilhelmsen 1.

Neistin: Dánjal Ragnarsson 6, Tróndur Mikkelsen 6, Julian Kragesteen 6, Pauli Høj 4, Rasmus Søby 2, Rune Olsen 2, Karl Martin Olsen 1 og Teitur Magnussen 1.

Støðan	Dystir	Vunnin mál	Tapt mál	Munur	Stig
H71	11	320	260	60	18
NEISTIN	12	327	291	36	16
STÍF	11	316	306	10	15
VÍF	11	306	296	10	12
KÍF	11	295	289	6	9
KYNDIL	11	283	292	-9	8
TEAM KLAKSVÍK	11	239	352	-113	0