Talv: ??rslit og støður eftir 3. umfar

Tað gongur javnt á í fremstu deildini í landskappingini í talvi. ??tsettu dystirnir í 3. deild vóru í gjár. Oddaliðini skiftast um leiðsluna. Fyrst var Sandavágur á odda, síðani klaksvíkingar, og nú havnarmenn.

Korona hevur aftur lagt meinbogar í vegin fyri regluligu telvingina, men nú eru teir byrjaðir aftur. Í 1. deild vóru úrslitini hesi:

Havnin - Vestmanna 4-0

Klaksvík - Sandavágur 1½-2½

Havnin B. - Klaksvík B. 3-1

Týðandi dystur var í Klaksvík millum oddaliðið hjá Klaksvíkar Talvfelag og føroyameistarnar Sandavágs Talvfelag. Vágamenn vunnu tepurt. 

Rógvi Egilstoft Nielsen fekk á 1. borði javnt móti moldosvka stórmeistaranum Vladimir Hamitevici, sum herfyri vann sterka jubileumskapping hjá felagnum ??bro í Keypmannahavn. Fimm stórmeistarar vóru við í tí kappingini. Men borgarstjórin á Eiði, sum framvegis telvar fyri sítt barndómsfelag í Sandavági, telvaði remis móti moldovska stórmeistaranum, sum býr í Klaksvík og rør út haðani.

Á 2. borði vann føroyameistarin Høgni Egilstoft Nielsen á ??lavi Simonsen. Á 3. borði koppaði Terji Petersen Silas Eyðsteinsson, men á 4. borði bragdaði eisini hjá vágamonnum. Her vann Torkil Nielsen á Steintór Rasmussen - tveir fyrrverandi føroyameistarar.

Havnarmenn gjørdu bart móti vestmenningum, og vunnu á øllum borðum. Manningin hjá Havnini var henda: 1. Helgi Dam Ziska 2. Olaf Berg 3. Carl Eli Samuelsen 4. Luitjen A. Apol. Á vestmannaliðnum telvaðu Jákup á Rógvi Andreasen, Samson Højgaard, Kári Durhuus og Hanus Ingi Hansen.

Triði dysturin var millum næstbestu manningarnar hjá Havnini og Klaksvík. Havnin vann 3-1. Rógvi Mortensen, Margar Berg, Andrias Ziska og ??li Joensen vunnu á Finnbjørn Vang, Ingolf Gaard, Janus Skaale og Boga Hansen. Janus Skaale fekk einasta sigurin hjá klaksvíkingum, men Bogi Eliassen Hansen kundi tað sama eisini vunnið, so 2-2 lá í luftini eina løtu.  

1. Havnin 10 stig

2. Sandavágur 8½

3. Klaksvík 8

4. Havnin B. 6

5. Klaksvík B 2½

6. Vestmanna 1

Telvað verður aftur í 1. deild 12. desember. Og dystirnir í 5. umfari eru 12. januar. Tá er kappingin hálvrunnin. Landskappingin endar 26. mars 2022.

Sandavágur - Klaksvík B

Vestmanna - Havnin B

Havnin - Sandavágur

Havnin B. - Klaksvík

Klaksvík B. - Vestmanna

Yvirlitið yvir hinar deildirnar er ikki heilt fullfíggjað.

Í 2. deild er Havnar Telvingarfelag á odda, Kollafjørður nummar tvey og Sandavágur nummar trý.

Í 3. deild er Vestmanna á odda, Toftir nummar tvey, og Kollafjørður og Havnin nummar trý.

Og í 4. deild er Rókur úr Sundalagnum nummar eitt, Havnin nummar tvey og Gøta nummar trý. Níggju lið eru í fjórðu deild.

Olaf Berg, vinstrumegin, og Carl Eli Samuelsen, høgrumegin, í dysti í gjár. Teir sótu á 2.- og 3. borði hjá Havnini, sum vann 4-0 á Vestmanna.