Jóanis Nielsen
Mikumorgunin 25. mars skrivaðu Føroya Arbeiðsgevarafelag og Finansforbundet undir nýggjan tvey ára sáttmála.
Partarnir vórðu samdir um eina lønarhækking á 1,85 % 1. árið og 2,25 % 2. árið. Harumframt vórðu ávísar broytingar og tillagingar í sáttmálanum gjørdar.
Samanlagt er talan um sama karm, sum semja hevur verið um í hesi sámráðingarrunduni hjá Føroya Arbeiðsgevarafelag.
Partarnir undirskrivaðu eisini avtalu um fráboðanarfreist í sambandi við verkfall.
Eisini er Sáttmáli undirskrivaður millum Føroya Arbeiðsgevarafelag og YTF
Umframt ávísar broytingar og tillagingar í sáttmálanum vórðu partarnir samdir um eina lønarhækking á 1,97 % 1. árið og 2,25 % 2. árið. Eisini varð ein regulering gjørd av útbúvingarískoytinum á 0,01 %.
Samanlagt er talan um sama karm, sum semja hevur verið um í hesi sámráðingarrunduni hjá Føroya Arbeiðsgevarafelag.
Partarnir undirskrivaðu eisini avtalu um fráboðanarfreist í sambandi við verkfall.
Vinarliga broyt tínar kennifíla - og privatlívsstillingar fyri at síggja hetta innihald