Sáttmálasamráðingarnar á privata arbeiðsmarknaðinum halda fram fríggjadagin

Føroya Arbeiðsgevarafelag og tey fimm arbeiðarafeløgini hava í kvøld avtalað at leingja sínamillum sáttmálarnar til fríggjakvøldið 2. mai á midnátt. Partarnir hava samráðst uttan steðg síðan mánamorgunin, men eru í kvøld samd um at taka ein steðg í samráðingunum inntil fríggjamorgunin kl. 10.00, tá samráðingarnar byrja aftur.