Sandshavið landar í Grindavík í Íslandi

 Línuskipið Sandshavið landar í dag 180.000 pund í Grindavík í Íslandi, helmingurin er góður toskur og hin helmingurin er brosma.

Sandshavið hevur verið á royndarveiðu við Eystur-Grønland. Tað eru 14 mans við, skipari er Eyðvardur Petersen av Sandi.

Sandshavið fer nýggjan túr seint í kvøld ella í morgin, tá verður aftur farið til Eystur-Grønlands.