Polarhav og Stjørnan fullfermdir av gulllaksi

 Stjørnan og Polarhav koma á Klaksvík seint í kvøld, báðir eru fullfermdir av gulllaksi, tilsamans hava teir góð 500.000 pund.

Stjørnan og Polarhav landa á Kósini í morgin, gulllaksurin fer til Tavuna í Leirvík.

Hendan túrin hava teir roynt suður ímótu miðlinjuni við ES, teir hava fiskað í 6 døgn. Tað eru 7 mans við hvørjum báti.

Stjørnan og Polarhav fara nýggjan túr mánakvøldið.

Hini gulllaksaskipini - Fram/Vestmenningur og Eysturbúgvin/Vesturbúgvin - hava hendan túrin roynt vestur úr Mykinesi, men fiskiskapurin minkaði burtur í einki, so teir eru fluttir longur suður at royna