Nýggjur nevndarlimur í Atlantic Airways

Á ársaðalfundinum hjá Atlantic Airways mikudagin 30. apríl á 62N Airport Hotel vórðu allir nevndarlimir afturvaldir

uttan Tezz Tordsdotter ??kerman, ið hevur sitið í nevndini síðani 2010. Í hennara stað var Laila Ísheim Hentze vald.

Laila er útbúgvin cand. ling. merc á Handilsháskúlanum í Keypmannahavn og bachelor í enskum og fronskum vinnulívsmálum

á Odense Universitet. Hon hevur síðani juni 2013 verið stjóri á Gallup Føroyum. Í 2003 gjørdist Laila stjóri á Televarpinum og røkti hetta starvið til oktober 2011.

Niels Mortensen heldur fram sum nevndarformaður og Kaj Johannessen sum næstformaður.

Í nevndini sita nú Niels Mortensen, formaður, Kaj Johannessen, næstformaður, Søren Jespersen nevndarlimur og Laila Hentze nevndarlimur.

Starvsfólkaumboð í nevndini eru Ingi S. Joensen og Olaf S. Poulsen.