Næraberg landar 2.100 tons í Kollafirði

 Næraberg hevur í morgun ligið norður úr Kollinum á Eiði, har teir hava arbeitt tað undan, sum var í tangunum, og so hava teir gjørt skipið reint.

Næraberg skal bunkra í Fuglafirði, har teir verða um middagin. Tá ið liðugt er at bunkra, fara teir á Kollafjørð at landa veiðuna - knapt 2.100 tons av frystum svartkjafti.

Teir hava hendan túrin roynt á Bill Bayley Bank.