Myndir: 07 Vestur vann 3-2 á B68

07 Vestur hevði seinnapartin vitjan av B68 í 2. umfari í Betri-deildini hjá monnum.

Bæði 07 Vestur og B68 fluttu upp úr 1. deild í fjør.

Tonni Thomsen legði gestirnar av Toftum á odda 0-1 eftir 33. min. tað gjørdi hann við brotssparki. Hálvleiksstøðan var 0-1.

Jóannis á Steig javnaði fyri 07 Vestur eftir 63. min. við beinleiðis fríssparki. Tonni Thomsen skoraði aftur uppá brotsspark í 65. minutti, og var Dann Fróðason vísur av vøllinum.

Tá ið 77. min. vóru leikt bleiv støðan til 2-2 og var tað skrásett sum sjálvmál.

Eiler Fróðason bjargaði 07 Vestur tá ið hann skoraði til 3-2 eftir 85. min.