Landsliðið í badminton til oyggjaleikirnar úttikið

Landsliðsvenjararnir Sune Gavnholt og Aritra Nandy hava úttikið teir tíggju leikararnar, sum skulu umboða Føroyar í badminton á oyggjaleikunum á Gibraltar í juli.

Kvinnur:

Rannvá Djurhuus Carlsson, HBF/Lyngby

Gunnva Jacobsen, HBF

Sissal Thomsen, HBF

Lena Maria Joensen, KBF

Adhya Nandi, HBF

Menn:

Niclas H. Eysturoy, HBF

Magnus Dal-Christiansen, HBF

Bartal Poulsen, MBF/Viby J

Árant á Mýrini, MBF

Jónas Djurhuus, HBF

Bartal Poulsen og Rannvá Djurhuus Carlsson mangla á myndini.

"Vit eru sera spent til oyggjaleikirnar á Gibraltar. Vit hava eitt blandaðan hóp av royndum og óroyndum leikarum, so spennandi verður, hvussu vit fara at klára okkum. Vit gera alt fyri, at fyrireikingarnar til leikirnar eru so góðar sum møguligt. Málið er í øllum førum at fáa eitt heiðursmerki í liðkappingini", sigur formaðurin í BSF Erik Engelbrecht Thomsen.