2019-10-27 20:53 
Jóanis Albert Nielsen
Jóanis Albert Nielsen
Tríggir dystir hava í dag verið í SMS-deildini hjá kvinnum.
Í Hoyvík tók oddaliðið H71 ímóti Kyndli.
Tað vóru teir grønu gestirnir, sum byrjaðu dystin betri og tað gingu heilir 17. minuttir áðrenn H71 fekk sítt fyrsta mál tá ið tær skoraðu til 1-3. Hálvleiksstøðan var 6-8 til tær grønu úr Havn. Kyndil vann dystin 14-18.
Á Skála tók StÍF imóti Neistanum.
Talan var um ein javnan fyrrahálvleik, og kundu Strandakvinnur fara til hálvleiks við støðuni 16-15. Neistin byrjaði seinna hálvleik væl, og komu á odda 16-20 eftir 36. min. Neistin vann dystin 25-31.
Í Vági tók VB ímóti Stjørnuni.
Tað var Stjørnan ið byrjaði betri og kundu tær fara til hálvleiks við støðuni 9-15. Stjørnan vann dystin 24-29.
| Støðan | Dystir | Vunnin mál | Tapt mál | Munur | Stig |
|---|---|---|---|---|---|
| VÍF | 6 | 173 | 132 | 41 | 10 |
| H71 | 6 | 166 | 137 | 29 | 10 |
| KYNDIL | 6 | 152 | 107 | 45 | 8 |
| NEISTIN | 6 | 148 | 136 | 12 | 6 |
| STJ??RNAN | 6 | 139 | 160 | -21 | 4 |
| STÍF | 6 | 134 | 184 | -50 | 4 |
| VB | 6 | 127 | 183 | -56 | 0 |
Vinarliga broyt tínar kennifíla - og privatlívsstillingar fyri at síggja hetta innihald