Keyptu bát úr Onglandi: Fingu trupuleikar ávegis til Føroyar

Klokkan 16:57 seinnapartin í gjár fekk MRCC støðin í Havn eina fráboðan um, at ein bátur hevði fingið motortrupuleikar 10. fj. eystur úr Akraberg.

Talan var um ein bát, sum er keyptur úr Onglandi og varå sigldur heim úr Onglandi, umborð vóru 3 mans. MRCC sendi Tjaldrið eftir bátinum, og klokkan 06:30 í morgun kom Tjaldrið á Havnina við bátinum, sum er av slagnum Aquastar 33.