Jupiter siglir inn við 1.000 tonsum

Jupiter verður á Tvøroyri beint eftir midnátt við 1.000 tonsum av makreli og sild, beint nú eru teir staddir útfyri Húsavík.

Jupiter hevur eins og hini føroysku skipini roynt norður úr Føroyum - fyrr í vikunu vóru teir og leitaðu saman við hinum gøtuskipunum og Fagraberg, men teir endaðu aftur norðanfyri, har teir hava fingið 1.000 tons í tveir dagar.