Jólamerkjagrunnurin handar ársins stuðul

Í ár verður ágóðin av søluni av jólamerkjum latin til at bøta um korini hjá fíggjarliga sperdum barnafamiljum og til at betra um sálarheilsuna hjá ungum LGBT???arum.

Jólamerkjagrunnurin hevur til endamáls at býta út ágóðan av søluni av jólamerkjum, ið Posta gevur út á hvørjum ári. Hvørja ferð tú keypir jólamerki frá Posta, fer vinningurin til Jólamerkjagrunnin, sum letur stuðul til samfelagsgagnligar verkætlanir fyri børn og ung. Jólamerkjagrunnurin hevur í ár gjørt av at lata Barnabata og LGBT stuðuláljóðandi íalt kr. 290.000.

Barnabati hjálpir fíggjarliga sperdum barnafamiljumBarnabati veitir fíggjarligan stuðul til Føroyskar barnafamiljur í samband við jól, føðingardagar og stuðul til frítíðarítriv. Talan er um áleið 550 børn í Føroyum, sum á hvørjum ári fáa stuðul, fyri at foreldur teirra skulu fáa møguleikan at geva teimum eini góð og hugnalig jól og at børnini eins og teirra javnaldrar kunnu fáa gávur um høgtíðina.

Jólamerkjagrunnurin handar Barnabata kr. 200.000 til jólahjálpina, sum fer beinleiðis til føroysk børn í fátækraváða. Djóni J. Eidesgaard, Aðalskrivari í Barnabati sigur: ???Stuðulin merkir, at vit kunnu hjálpa nógvum føroyskum børnum upp til jóla, tá tað kann vera torført at fáa endarnar at røkka saman. Í ár hevur korona gjørt innsavningina torføra. Tí eru vit serstakliga glað um stuðulin frá Jólamerkjagrunninum.???

Verkætlanir til at betra um sálarheilsuna hjá ungum tvør- og samkyndum LGBT???arum.LGBT Føroyar hevur sett sær fyri at bøta um sálarheilsuna hjá ungum LGBT???arum. Kanningar vísa, at umleið helmingurin av føroyskum LGBT???arum hava kent seg tunglyntan, havt angist ella havt tyngri sálarligar trupulleikar. Jólamerkjagrunnurin letur stuðul til sjálvhjálpsbólkar og ráðgeving við tí endamáli at bøta um sálarheilsuna hjá ungum samkyndum, tvørkyndum og tvíkyndum. LGBT fær kr. 90.000 frá Jólamerkjagrunninum:
???Stuðulin hevur stóran týdning fyri okkum og merkir, at vit kunnu fara at arbeiða miðvíst við sjálvhjálpsbólkum í LGBT høpi. Vit eru sera takksom,??? sigur Annika S. Vang, nevndarlimur í LGBT Føroyar.

Jólamerkjagrunnurin ynskir Barnabata og LGBT Føroyar góða eydnu við arbeiðnum fyri framman.

---

Ynskir tú at verða við til at stuðla Jólamerkjagrunninum og harvið lata pening til samfelagsgagnlig endamál, kanst tú keypa Jólamerkini á Posta ella á stamps.fo. Í ár hevur Suffia Nón sniðgivið jólamerkini, og kostar arkið kr. 30,-.

Í Jólamerkjagrunninum eru:

Joel undir Leitinum, stjóri á Posta, formaðurFróði Joensen, yvirlækniEdvard Heen, stjóri í Almannaverkinum