Javnleikur í seinna dystinum

Tað endaði 21-21, tá A-landsliðið við kvinnum spældi sín seinna venjingardyst móti Íslandi. 

Føroyar vunnu trygt við átta málum á íslendska A-landsliðnum í gjár 25-17, men í dag gekk meira javnt á.

Føroyska verjuspælið var gott og málverjin, Viviann Petersen, stóð sera væl, men tað haltaði við neyvleika í álopinum.

Kvinnulandsliðið hevur verið á venjingarlegu í Íslandi sum liður í fyrireikingunum til HM-undankappingina, sum er í Zürich í Sveis næsta vikuskiftið. Føroyar eru í bólki við Litava, Finnlandi og Sveis.

Føroyski landsliðshópurin fer aftur til Føroya í morgin, men steðgurin verður stuttur á klettunum. Hósdagin gongur leiðin til Sveis.

Kelda: HSF.fo