Í dag verður Svabo Joensen 80 ár

Svabo er uppvaksin í Sandavági, foreldrini vóru Solborg ættað úr Sørvági og Jákup Joensen (Dungajákup) úr Sandavági. 

Svabo fór til skips sum heilt ungur, og hevur havt sítt yrki á sjónum alt sítt lív, og enn í dag er hann javnan á útróðri, og væl liggur fyri at fiska. Hann hevur verið álitismaður á sjónum. 

Svabo hevur eisini stóran áhugað fyri seyðahaldi, og enn í dag er hann á fjalli serliga í nýggja haganum, Rangagjógv, sum hann er ein av eigarunum av. 

Svabo er giftur við Jancy og børnini eru Jonhard, Alfred og Búgvi.