Høgiklettur kemur á Kollafjørð við 1.100 tonsum

 Høgiklettur kemur á Kollafjørð í nátt við 1.100 tonsum av makreli, sum teir hava tikið ímóti frá hinum gøtuskipunum, sum eru á feltinum norðanfyri.

Slættaberg kemur á Kollafjørð í kvøld, teir byrja at landa kl. 23, so Høgiklettur sleppir ikki framat fyrrenn liðugt er at landa Slættaberg, sum hevur 850 tons.

Ein partur av tí sum Høgiklettur hevur verður landað í bilar í morgin og koyrt til Vestmanna, har tað verður arbeitt á Vestmanna Seafood.