HM: Finalan verður millum Danmark og Svøríki sunnudagin

Danmark vann ein sera tættan og spennandi dyst ímóti Spaniu. Danmark kom á odda 1-0 og førdu so allan dystin, sum endaði við 35-33 til Danmark, fyri tað mesta vóru tað 3 - 2 og 1 mál á muni. Spenningurin helt sær allan dystin, tá í 10 sekund vóru eftir, var støðan 34-33 til Danmark, teir tóku tá timeout og fingu í seinasta sekundi 35. málið, so endaliga støðan gjørdist  35-33.

Svøríki vann fyrr í kvøld hin semifinaludystin, sum var ímóti Fraklandi, úrslitið gjørdist 32-26.