Hjalmar heldur fram í Vestmanna

Hjalmar Klein Olsen heldur fram sum venjari hjá VÍF-monnunum komandi kappingarár. Hetta boðar formaðurin í VÍF, Sámal Joensen. Hjalmar hevur einsamallur staðið við ábyrgdini av mansliðinum í hesum kappingarárinum, og eins og í fjør gjørdist í ár talan um eitt bronsupláss.

Hjalmar Klein Olsen var í fleiri ár ein av stuðlunum á VÍF liðinum. Seinni hevur hann verið virkin sum venjari í nógv ár, millum annað hjá besta mansliðnum hjá Kyndli og VÍF.