Havborg siglir inn við fullari last av rækjum

 Rækjutrolarin Havborg fór í morgun at sigla við fullari last av rækjum - uml. 400 tons - Havborg fer fyrst til Tromsø at bunkra, síðan skulu teir landa veiðuna í Karavika. Tá ið liðugt er at landa, fara teir aftur til Tromsø at skifta fólk, áðrenn farið verður nýggjan túr.

Havborg byrjaði fiskiskap 26. juni, teir hava meginpartin av tíðini roynt í russiskum sjógvi, men nú móti endanum av túrinum royndu teir í Hopendýpinum.

Hin føroyski rækjutrolarin - Arctic Viking - roynir eisini við Svalbard, teir byrjaðu fiskiskap 12. juni, Arctic Viking hevur hálva last.