Jóanis Albert Nielsen
3 dystir hava verið í SMS-deildini hjá kvinnum í hondbólti um vikuskiftið.
Í gjár leiktu Neistin og VÍF, dysturin byrjaði javnt og var støðan 4-5 eftir 15. min. Hálvleiksstøðan var 7-11 til VÍF. Tá ið 50. min. vóru leiktir var støðan 20-20. VÍF var á odda 20-22 eftir 58. min. Neistin kom væl aftur í aftur og fekk javna til 22-22. Toppskjúttar í dystinum vóru Sofie Søberg og Agnas Olsen sum báðar fingu 8 mál.
Kyndil hevði vitjan av StÍF í dag. Tað var StÍF ið byrjaði dystin betri, og longu eftir 7. min. var støðan 3-7 til StÍF. Kyndil kom betri við í dystin, og tá ið floyta var til hálvleiks var støðan 14-14. Kyndil vann dystin 25-22. Toppskúttar í dystinum vóru fyri Kyndil Bára K. Hansen og Súna K. Hansen sum báðar fingu 5 mál, og fyri StÍF fekk Rebekka Zachariassen 8 mál.
Oddaliðið í deildini H71 tók í dag móti Stjørnuni. Í fyrra hálvleiki gekk javnt fyri seg, og var H71 á odda 14-13 í hálvleikinum. H71 var betra liðið í seinna hálvleiki, og vann dystin 29-25. Maria H. Weyhe hjá H71 og Mina Sirdal fyri Stjørnuna fingu flest mál í dystinum, tær fingu 9 mál hvør.
Støðan:
| Dystir | Vunnin mál | Tapt mál | Munur | Stig | |
|---|---|---|---|---|---|
| H71 | 5 | 145 | 123 | 22 | 10 |
| VÍF | 4 | 114 | 93 | 21 | 5 |
| NEISTIN | 5 | 113 | 107 | 6 | 5 |
| KYNDIL | 5 | 117 | 136 | -19 | 4 |
| STJ??RNAN | 4 | 93 | 94 | -1 | 3 |
| STÍF | 5 | 98 | 127 | -29 | 1 |
Vinarliga broyt tínar kennifíla - og privatlívsstillingar fyri at síggja hetta innihald