H71 misti týðandi fet í oddastríðinum

Kvinnurnar hjá H71 vóru seinnapartin í gjár á vitjan á Skála, har StÍF tók ímóti. H71 spælir í oddinum í SMS-deildini, meðan StÍF bert hevði fingið 4 stig undan dystinum.

Talan var um ein javnan dyst, og fylgdist liðini allan dystin. Eftir 15. min var støðan 9-9. StÍF førdi í hálvleikinum við 16-15. Tá ið eitt korter var leikt av seinna hálvleiki høvdu tær reyð/hvítu av Strondum lagt seg á odda 23-20. StÍF vann eisini dystin 26-25.

Málskjúttar:

StÍF: Haruka Gima 13, Karina B. Høgnesen 5, Yuika Kurimoto 4, Vár Poulsen 2, Emmy Kass 1 og Mao Otani 1.

H71: Marita Mortensen 9, Durita T. Joensen 6, Maria Wethe 5, Eva Arge 2, Karin Simonsen 1, Elisabet Simonsen og Sofie Søbek 1.