2020-09-03 20:39
Seinni hálvleikur var tamur í fyrru helvt av hálvleikinum, hvørki liðið vísti gott spæl, tó so at okkurt mál kundi komið.
Í 72. minutti kemur Malta framum 2-1, eftir tað ressaðust føroyingarnir og teir seinastu minuttirnar vístu teir gott spæl, í 86. minutti fær Andrias Lava Olsen bóltin, hann snarar sær hegnisliga og fær eitt gott mál, støðan 2-2. Løtu seinni fáa Føroyar fríspark tætt uttanfyri brotsteigin í vinstru síðu, Brandur Hendrikson Olsen verður settur at skjóta, hann setir bóltin hegnisliga uppum múrin og upp í vinstra horn, málmaðurin toyggir seg so langt hann kann, men røkkur ikki bóltin - eitt sera flott fríspark - og sigurin í hús - 3-2.
Vinarliga broyt tínar kennifíla - og privatlívsstillingar fyri at síggja hetta innihald