Flogbóltur U 19, dreingir: Vunnu 5. plássið og Ísland

U 19 dreingirnir vunnu í gjár 5. plássið í evropeisku flogbóltskappingin í Onglandi, sum teir hava verið við í síðani hósdagin.

Dysturin í gjár um 5. plássið var ímóti Íslandi, og dreingirnir megnaðu at vinna dystin 3-1. Føroyar vunnu fyrsta settið 25-20, men taptu so tað næsta 20-25.

Men so kom vend í aftur, og Føroyar vunnu triðja settið 25-21, eins og teir smurdu Ísland av í 4. og seinasta settinum 25-14.

Meginparturin at liðnum hevur eisini møguleika at spæla við komandi ár, so hetta eitt ungt lið, sum hevur verið við í kappingini, og tí verður vónað, at liðið fær betri úrslit komandi ár.

Nr. 3 í kappingini gjørdist Ongland, sum vann 3-0 á Noreg. Finalan verður í løtuni leikt millum Svøríki og Danmark.

Føroysku U 19 dreingirnir verða aftur í Føroyum í kvøld við Atlantic Airways.

Leikararnir í dystinum í dag vóru:

Niels Niclasen, Fleyr

Ingolvur Eyðunsson Olsen, ÍF

Hjørtur Sólstein, ÍF

Ari í Haraldstovu Petersen, SÍ

Ragnar Weihe, SÍ

Hjørtur Joensen, SÍ

Jón Weihe Simonsen, SÍ

Oddur í Haraldstovu Petersen, SÍ

Dávið Hentze, Mjølnir

Hákun Weihe Heinason, Fleyr

Jónfinnur Jógvansson Hansen, Fleyr

Julian Vest Niclasen, SÍ

Venjarar:

Rajko Petrovic

Hans Simonsen

Liðleiðari:

Hanna Helena Weihe Simonsen