Finnur Fríði siglir inn við 600 tonsum

 Finnur Fríði, sum hevur verið á makrelveiðu vestur úr Hetlandi, fór í nátt at sigla heim við 600 tonsum, sum teir skulu landa á Tvøroyri.

Finnur Fríði verður á Tvøroyri í kvøld, har teir sleppa framat at landa beinanvegin teir eru komnir inn.

Vit tosaðu umborð fyrr í morgun, teir eru nú komnir í føroyskan sjógv, har er sama veður sum her, eitt fitt lot av landsynningi. Støddin á makrelinum liggur um 360 gramm.