Fagraberg skal landa á Tvøroyri í kvøld

 Fagraberg siglir inn við 360 tonsum av makreli, sum teir skulu landa til Varðin Pelagic á Tvøroyri, Fagraberg verður á Tvøroyri seint í kvøld.

Fagraberg hevur virkað sum móðurskip hjá trolarunum hjá Faroe Origin, teir hava roynt norðanfyri millum 64 og 65N.

Annfinn Olsen reiðari sigur, at teir enn ikki hava avtalað nakran fastan prís, teir skulu fyrst hyggja hvussu makrelurin sær út.