Fagraberg og Slættaberg koma á Fuglafjørð

 Fagraberg og Slættaberg sigla báðir inn, teir skulu landa á Fuglafirði. Í løtuni landar Atlantsfarið, men teir verða liðnir tíðliga í kvøld.

Fagraberg verður inni seint í kvøld, teir hava 2.700 tons og sleppa framat beinanvegin teir koma inn.

Slættaberg kemur inn tíðliga í nátt, teir sleppa framat í morgin tá ið Fagraberg er liðugur.

Annars rokna teir við á Havsbrún, at onkur kemur inn í vikuskiftinum.

Skipini royna øll á eini leið í ein útsynning úr Akrabergi - einar 60-70 fj. úr landi.