Fagraberg kemur á Fuglafjørð við 1.400 tonsum av makreli

 Fagraberg, sum hevur roynt í ES-sjógvi vestur úr Hetlandi, fór í dag at sigla inn við 1.400 tonsum av makreli, sum teir skulu landa til Pelagos í Fuglafirði. Fagraberg hevur verið á feltinum í 2 døgn, fyrra døgnið lógu teir bakk, so teir hava bara fiskað í eitt døgn.

Vit tosaðu umborð fyri løtu síðan, tað er av fagrasta veðri, har teir eru staddir í løtuni.

Fagraberg verður væntandi á Fuglafirði um 10-tíðina sunnumorgunin, teir byrja at landa beinanvegin teir koma á Fuglafjørð.

Í løtuni eru bara Slættaberg og Atlantsfarið á makrelfeltinum sunnanfyri.