EM hondbóltur beinleiðis í sjónvarpinum

 HSF: EM-undankappingardysturin ímillum Ukraina og Føroyar verður vístur beinleiðis í sjónvarpinum.

Í dag spæla Ukraina og Føroyar EM-undankappingardyst í hondbólti.

Undan dystinum hevur Ukraina tvey stig og Føroyar hava eitt stig.

Bæði hava fingið síni stig ímóti Montenegro.

Ukraina vann á heimavølli 29-24 á Montenegro. Føroyar spældu 24-24 á útivølli ímóti Montenegro.

Bæði londini hava eisini spælt ein dyst ímóti Danmark. Báðir endaðu við tapi.

Danmark vann 30-24 á Ukraina, og danir vunnu stórsigur á Føroyum, 35-17.

Í dag møtast Ukraina og Føroyar.

Dysturin byrjar klokkan 17.00, sjónvarpið byrjar at senda beinleiðis klokkan 16.45