2021-07-28 09:51 
Jóanis Nielsen
Jóanis Nielsen
Tíðindaskriv:
Venjaratoymi sett
Flogbóltsfelagið Dráttur hevur gjørt avtalu við Ragnar í Haraldstovu og Anniku á Stongum um at venja Meistaradeildina hjá Drátti komandi kappingarár. Ragnar verður høvuðsvenjari og Annika hjálparvenjari. Bæði hava drúgvar royndir í føroyskum flogbólti, bæði sum leikarar og venjarar.
Vit eru sera glað fyri nýggja venjaratoymið, ið saman við barna- og ungdómsvenjarum í felagnum, fara at skapa betri møguleikar fyri at menna leikarar í øllum aldri.
Vit ynskja Ragnar og Anniku hjartaliga tillukku og vælkomin og gleða okkum til gott og gevandi samstarv í nýggja kappingarárinum.
Í Drátti leggja vit stóran dent á góðan felagsskap, leikaramenning og trivnað.
Vit takka okkara flogbóltspælarum, venjarum, hjálparfólki, viðhaldsfólki, útisetum, sponsorum og Vága kommunu fyri dyggan stuðul og gleða okkum til kappingarárið 2021/22.
Eisini takka vit flogbóltssambandinum, hinum flogbóltsfeløgunum í landinum og dómarum fyri gevandi og mennandi kappingar og gott samstarv.
Somuleiðis takka vit fyri alla hjálp og luttøku á Gallaveitsluni, sum Dráttur saman við FBF skipaði fyri í apríl.
Góða ??lavsøku øll somul.
Vinarliga broyt tínar kennifíla - og privatlívsstillingar fyri at síggja hetta innihald